~*¤®§(*§ g3go3 §*)§®¤*~

 

الشااات ... وسجل الزوار ... والشات الصوتي ... ^_^

 

واضفت بالافوتو البوم ...

 

    صور المنتخب السعودي الحبيب ^_*

 

وسلاااامتكم ...

 

ارجو اني ما ازعجتكم بخراابيطي ^_*

 

ويا جماااعه يا ليت الجميع يعطيني راايه باللوك الجديد بدون اي مجاملاات بليززز  

 

تحيااااتي جع جع   

حبايبي اخواني واخواتي اصحاب السبيسات الموقره
انا بصراحه شفت الناس المنسمين يألفون قصص تنسيم ورجه
فقلت في نفسي ليش ما اسوي لي قصه انا وانسم مثل خلق الله
وبعد جهدن جهيد الفت لكم القصه القادمه لعل وعسى ان تعجبكم
وتراها من تأليفي من جد
من مخي الفاضي :
ابيكم تقرونها بركاده وتقولون لي رايكم :


يومن من الايام كنتُ قاعدن عند باب منزلنا الفسيح واذا بتلك الدينا اللي جايه من الحراج
وعمالها الهناوده الدبيين اوعععععععععع (مسكوا جلنط بالدينا)
اول ماشفتهم يفحطون قدام بيتنا حذفتهم بحصاه على بالي سرابيت يفحطون عشاني ويفرون علي
كل يوم من حلاتي..
ولكن ماشد انتباهي هو الاغراض التي بحوض الدينا اتعلمون وشهي ماراح تصدقون؟؟
انه اثاث لمنزل جيراننا الجدد ياالله يالله بيسكنون عندنا جيران جدد

وفي هذه الأثناء قمت ادعي ربي واقول : ياربي جعل عندهم بنات

وفجأه واذا بتلك السياره التي من نوع جيب جيكس آر اخر موديل 1999 على ايامه

واذا بذلك الرجل الذي نزل وفيه عيونه الشرار الذي يتوقد وكأنه عيون الفرن حقنا اذا غسلناه ايام العيد
وقام يطالع فيني وكأني قاتل ابيه وقال : انت هيه .. ورى ماتدخل بيتكم الظاهر اني بنزل اهلي
مسوي فيها مايبيني اشوف اهله ..
انا من باب الاحترام دخلت البيت (ترى مو من باب الخوف بس احترام لجيراننا الجدد)
وقمت اطالع فيهم من فتحتن في الباب (العين السحريه)الله يكفينا شرها..
واذا بذلك الأوغاد الصغار الاثنان مدري الاثنين (لابد من الالتزام بقواعد اللغه العربيه)
يترجلون من السياره <<== ياروووحي ياكلمة يترجلون احس اني صرت فرنسي
واذا بأمهم الدبه بعد تنزل من موترهم الجميل
فقلت في نفسي وانا قافلتن معي الأخلاق
(الذي هذا اولهو ينعافو تاليهو)
وقلت
الكتاب من عنوانه

فغسلت يدي منهم وقلت شكل ماعندهم سحليه ابداً

بصراحه انا كنتٌ انوي ان اساعدهم في حمل اغراضهم وتوضيبها
ولكن عندما دريتُ ان ماعندهم بنوته قلت طز عليهم الله لايحييهم

ولكــــــــــــــــــــــــــــــــــن؟؟؟؟
وفجأه؟؟؟؟؟
وبعد مادخلوا جميعا الى داخل المنزل؟؟


وأرى الباب الخلفي لسيارتهم الميمونه يفتح
وفجأه ؟؟
الا وتلك الغزال العارضيه تنزل بخطوات خفيفه ورقيقه ولابستن لبسن ياخذ العقل

يووووووووووووووووووووووووووووووووووووووووووووووووو وه

انا في هذه اللحظه صرت من اخوات كاناااااا وهي من اخوات إنااااا لاني اقول البنت فيها إنااااا

وناظرت فيني نظره وكأنها تقول في نفسها : الله هذا ولد جيراننا ياما احلاه
(بالعربي هي مافكرت تقول هالكلمه بس انا ماخذ مقلب بنفسي)
الزبده انا قمت اتميلح واتبسم وافرد القذله
الا فجأه جاء واحد من عيال الحاره يقولي حموودي وين الناس يالدلخ
هو بس قال كذا
واشووووووووووووووته على مؤخرته
واصفقه كف
وبووووووووووووووووووكس
واتوطا في بطنه
وهو يقولي ياهوه شفيك علي ..؟؟
الولد مايدري شفيني خخخخخخخخ
انا بصراحه كنت فاقد الوعي ماادري وش الطبخه
لو سألتوني وقلتو وش حاس فيه بتلك اللحظه..؟؟
لقلت لكم ..(حسيت اني كبرت بعينها اول ماطقيت خويي )
(وحسيت انها تقول بنفسها :شكله اقوى عيال الحاره)
وبصراحه انا الحفله بعيال الحاره بس ماادري شلون قدرت على خويي وسطرته
يمكن لاني كنت متحمس (الله اعلم)
ودخـلــت البنـــــــــت بيتهـــــــم؟؟

وفجأه طلع من البيت التوأمان المسخره (اخوانها)
بصراحه وجييهم تقول (فصل ثاني/ جيم )
وكان فارق العمر بيني وبينهم 6 سنوات (عمري 18وهم 12)
انا ماصدقت خبر انهم طلعوا
ورحت لهم ابي اشبكهم...؟ ماعرفت وش اقول بصراحه
وخطرت في بالي فكره ..
ورحت لهم لكي انفذ تلك الفكره....؟
واول ماجيتهم.. قلت على طول ( تبادلوني بأشرطه البلاي ستيشن)
تحسون ان دخلتي عليهم مالها دااااااااعي بقوووووووووه

بس شسوي ماعندي تصريفه



انا ماابي اطول عليكم بصراحه لان ان طالت القصه بتصير ممله..

عشان كذا راح اخلي فيها جزء ثانٍ (على ماألفق تكملة القصه)..

 

لكن لا تأملوون انه في جزء ثااني ... لأني الحين فيه واحد بيساعدني فيه

 

 ان شاء الله وبدا يعطيني بعض الأفكااار ^_^

تحياتي لكم... جع جع